Glosse

Als in Ehring das neue Jahr mit dem Eisstock eröffnet wurde: Sie is a sechas Flitschal!

-
+
-
  • Josef Bauer
    vonJosef Bauer
    schließen

Als in Ehring das neue Jahr mit dem Eisstock eröffnet wurde - Josef Bauer erinnert sich an eine schöne Tradition, die der Klimaerwärmung zum Opfer gefallen ist.

Vor langa Zeit, wia da Winda no a Winda war, warn olle ganz narisch und infiziert von dem Virus. Ganz egal, ob in da Stodt oda aufm Land, olle san sowas von liebestoll auf sie, dass da Sau graust. De Manna mechden mid eahnan Gerät ganz zu ihre zuawe, und je bessa sie se o‘strenga und je nahriga de Tuchfühlung is, dedo narrischer wern de Manna. Es gibd aba a Fraun, de genauso nah zu ihra himeng. In da heidigen Zeid brauchd de nix mehr wundan.

Oiso, sie liegd da und duad eigentlich nix, und kimmd da Erste und probierds. Wenn a in ihra Näh kimmd und sie berührd und sie bleibd oiwei no liegn, dann is da Mo in oana andan Woid. Aba des bleibd ned lang a so, denn da nächsde mechd a hi und probierd, dass a den Andan wegbringt. Wenn des ned gehd, daa is sofort a andana do, der des a probierd.

Meistens werd dann Oana oda Oane narrisch und haut den, der ganz nah dortliegt, weg. Sie bleibd oiwei no liegn oda haut ab und laufd und springd davo. Sie konn a so a Flitschal sei, dass des ned glabsd. Aba de Manna lassn ned aus und wenns ganz weid wegsprunga is, dann mechdens do wieda ganz nah hi.

Wenns ihra z‘bläd werd, dann konn sie se a vastecka oda hinda wos einekriacha. Dann wern de Mann- und Weibaleid ganz gamsig und vasuachan mid Gwoid, dass sie wieda in ihra Näh kemman. Leichd is des ned, und mancha is scho vazweifeld, dass a übahaupt ned in de Näh von ihra kemma is.

Sie konn a sechas Flitschal sei, doch des machd anscheinend nix aus. Denn zum Schluss is do no imma oana ganz nah zu ihra zuawegschloffa, und er und sie warn de besdn Freind. Aba weils a Flischtal is, hod se des in de nächsdn zehn oda 15 Minuten wieda drahd, und sie schliafd zu an andan zure, der mid dem vor vorher überhaot nix zum Doa hod. Frira hod de Kirch no dagegn gwedad, aba dann ham de Pfarra soiba mid beim Hischliffa. Wennsd aba ganz nah bei ihra liegsd, des is a Gfui, des konnsd ned beschreimm do kannsd ´ned nua sie, sondan de ganze Woid umarma.

Damit meine Lesarinnen und Lesa ned auf foische Gedankn kemman: Es gehd um de Daube (Daum) beim Eisstockschiaßn und sonst um nix. Außerdem is de scho ewiglang her, so umara 2009.

Kommentare