Bitte deaktivieren Sie Ihren Ad-Blocker

Für die Finanzierung unseres journalistischen Angebots sind wir auf die Anzeigen unserer Werbepartner angewiesen.

Klicken Sie oben rechts in Ihren Browser auf den Button Ihres Ad-Blockers und deaktivieren Sie die Werbeblockierung für . Danach können Sie gratis weiterlesen.

Lesen Sie wie gewohnt mit aktiviertem Ad-Blocker auf
  • Jetzt für nur 0,99€ im ersten Monat testen
  • Unbegrenzter Zugang zu allen Berichten und Exklusiv-Artikeln
  • Lesen Sie nahezu werbefrei mit aktiviertem Ad-Blocker
  • Jederzeit kündbar

Sie haben das Produkt bereits gekauft und sehen dieses Banner trotzdem? Bitte aktualisieren Sie die Seite oder loggen sich aus und wieder ein.


MEINUNG

Klopapier is nimma da Hit!

-
+
-

Bei dera Corona-Gaudi konnsd de auf nix, aba auf gor nix valassn.

Oiso, des Klopapier liegd beim Hamsdan nimma ganz vorn. A de Nudln und des Moi rutschn weida hindre. Es is zwar dopped so vui bacha worn wia im Vorjahr, aba ma is ned öfdas aufs Klo ganga, ois wia sonsd ah, sagn de von Aldi, Lidl, Rewe und Co.

Laut der Studie liegn beim Hamsdan iatz Soafa und Syndets (synthetische Detergentien) mit 75 Prozent Steigerung vorn. So sauba wia mia Deutsche durch de Pandemie gengan, werds auf da ganzn Woid koa Voik nimma gem. Bad- und Sanitärreiniger und Haushoidshandschuah stengan dann auf de nächsden Plätz. Des kimmd davo, weil mehra Manna wia früha beim Putzn hoifa miassn und de brauchan Handschuah. Des brauchn de Damen ned abstreitn, da find i scho no a Studie, wo des genau und exakt erforscht worn is. Des mid de Manna und da Hausarbad.

Kas, Wurscht und Kaffee liegn imma no ganz vorn mid dabei. Des liegd an da massiven Bevorratung und an dem, weil mia soiba mehra dahoam braucht ham, weil mia in koa Wirtshaus ums Varrecka ned nei derfan. Insgesamt is in da IRI-Statistik festgstoid worn, dass vor allem bei de Damen Funktion vor Schönheid gehd. De Damen ham bei de kosmetischn Warengruppen sauba gspart.

Nach dem Motto: Warum aufbrezeln, wennsd bei dem von Gott zugewiesenen Mo dahaom hocka bleim muassd? Deswegn is a des Parfüm a retour ganga. In da Lebensmittlzeidung steht, dass mehra Hygieneherstella zwecks dem bei eahnane Leid de Kurzarbad eiplanan. Oiso, meine Damen, strengans eahna oh beim Aufbrezeln für dahaom. Dann gibds koa Kurzarbad.

Kommentare