Glosse zur bevorstehenden Öffnung der A94: „Da kriechende Scheiberich!“

Am 30. September wird das letzte Teilstückder A94 in Richtung München zwischen Heldenstein und Pastetten eröffnet. Maier
  • Josef Bauer
    vonJosef Bauer
    schließen

Am 30. September wird die neue A94 eingeweiht. Redakteur Josef Bauer erzählt von den Hürden und von seltenen kriechenden Zeitgenossen für die A94.

Beim Verwaltungsgerichtshof san die Klagen und Einwendungen da Naturschütza gegen de A94 verhandelt worn. Da Grau-Specht war da, de Gelb-Bauch-Unke so wieso, de is eigentlich imma da, natürle da Lauf-Käfer und dann is was ganz was komisch kemma, da kriechende Scheiberich. Da Richda Allesch hod gschaud und de aus dem Landkreis Muidorfa ham gschaud und i hob nua Bahnhof vastand. Da war er da, de Geheimwaffe da Naturschütza, da kriechende Scheiberich.

Lesen Sie auch die vorangegangenen Glossen zur A94-Eröffnung:

Dann werd valegd!

„Auf zum Demonstriern!“

„A sechas Gfred“

Da Scheiberich is a kloans Sellerie-Gwachs und wachsd auf feichtn bis nassn Weiden und Wiesn. Und akurrat auf da Trassen da A94 kriachd der umanand. Da hams kudat de Naturschütza und des wia. Kennd hod den koa Sau. Der war natürle a ganz soidns Exemplar, des ma ned weg mach derf für a so bläde Autobahn. Ona nach dem andan is aufgstandn und hod über den Scheiberich gschmatzt, dass das nimma hern host kenna.

+++

Tipp der Redaktion: Kennen Sie schon unseren kostenlosen Feierabend-Newsletter? Die Top-Themen der Region um 17 Uhr per E-Mail – sauber ausrecherchiert und aufgeschrieben von Ihrer OVB-Redaktion. Jetzt Newsletter ausprobieren!

+++

Dann es da Naturschütza von da Autobahndirektion kemma und hod gsagd, dass da kriechende Scheiberich umgsiedelt werd. Da is dann zuaganga wia im Woid-West Salon. „Des überlebd der ned, des ins unmenschlich, koan Respekt vor da Schöpfung und koa Gfiu für den Scheibereich“, ham den Naturschütza gsagd. Es hod d an Zeid dauerd, dann hod da Richda Alesch des wieda in Griff ghabd. Er hod zu Protokoll gem, dass de kriechende Scheiberich umziagn muass. Iatz ham de andan gschaud wia a Schwaibal wenns blitzt.

Mehr zum Thema

Kommentare